idhar hum hain udhar hote hue bhi

idhar hum hain udhar hote hue bhi
bayaban mein hain ghar hote hue bhi
ye duniya amn ke zer-e-asar hai
bahut kuchh shor-o-shar hote hue bhi


nazar rakhte hain us ki har ada par
bazahir be-khabar hote hue bhi
mere hi ghar mein rahna chahti hai
mohabbat dar-ba-dar hote hue bhi


hamare zakhm kyon ab tak hare hain
hamare chaaragar hote hue bhi
zamin ka jaeza bhi le raha hun
sitaron par nazar hote hue bhi


murawwat ke asar mein hai ye duniya
mohabbat mein asar hote hue bhi