اس اندھیرے میں کہاں تازہ خیال آئے گا

اس اندھیرے میں کہاں تازہ خیال آئے گا
چاند نکلے گا تو دریا میں اچھال آئے گا
بیٹھیے آپ کہ مجھ سے نہیں بیٹھا جاتا
اس توقع پہ کہ پانی میں ابال آئے گا


جاتے جاتے ہی زمانے کی روش جائے گی
آتے آتے ہی انہیں میرا خیال آئے گا
اس لیے بیٹھا ہوں میں سطح پہ بے خوف حضور
مجھ کو معلوم ہے کس سمت سے جال آئے گا


آہ اٹھے گی تو رہ رہ کے اٹھے گی عامرؔ
کام ایسا ہے کہ کر کر کے کمال آئے گا