is nagri mein wo bhi magan tha
lohe jaisa jis ka badan tha

aaj hai wo ek khushk shajar sa
kal jo rashk-e-sehn-e-chaman tha

jangal jangal us ki khushbu
phul wo kab mahdud-e-chaman tha

mujh ko na aai talkh-nawai
shahd se mitha mera sukhan tha

dekha na us mein apna chehra
mere ghar mein jo darpan tha

rakhwalon ne aise luta
pal mein khali sab makhzan tha

hath se wo bhi chhut gaya hai
mehr-o-wafa ka jo daman tha