ishq ka imtihan hai pyare aur tu na-tawan hai pyare dil ke is iztirab se har dam har haqiqat bayan hai pyare teri sarkash-nigar fitrat se gham-zada aasman hai pyare fitrat-e-dil hai bas bahak jaana aajizi bad-guman hai pyare raqs-e-fariyaad se aajiz ho kar bebasi be-zaban hai pyare main giraft-e-visal ka mara aur wo la-makan hai pyare ishq khun-e-jigar ka talib hai tu ki kamzor-e-jaan hai pyare sar-ba-sajda nigar-e-hasti se chashm-e-nam hirz-e-jaan hai pyare khak bosida dil ka ho jaana is ke shayan-e-shan hai pyare khud se bezar kyon hua 'baaligh' tujh pe rab mehrban hai pyare