جانے کیا کچھ سوچ لیا نادانی میں

جانے کیا کچھ سوچ لیا نادانی میں
اور پھر عرصہ بیت گیا حیرانی میں
چھونے بھر سے روح چمکنے لگتی تھی
شاید نور بسا تھا اس پیشانی میں


ہوش اور خواب نے اپنی اپنی کوشش کی
بندہ ٹوٹ گیا اس کھینچا تانی میں
اک لڑکی کا جسم چڑھا تھا ڈولی پر
اک لڑکے کا جسم گرا تھا پانی میں


مجھ میں اور زیادہ اندر مت آؤ
ایک آسیب کا گھر ہے اس ویرانی میں
چاہے سب کچھ دیکھے پھر بھی جاتے وقت
ٹیس بچی رہ جاتی ہے سیلانی میں