jab tak aasudgi nahin hoti zindagi zindagi nahin hoti khun-e-dil de ke dekh to kaise shakh-e-hasrat hari nahin hoti chand ko chandni ata kar di mere ghar raushni nahin hoti kis ada se wo aate hain dil mein dil ko bhi aagahi nahin hoti gumrahi rahnuma hai manzil ki gumrahi gumrahi nahin hoti dar par chadh to jaen chadhne se zindagi sarmadi nahin hoti main jalata hun sham-e-dil 'ahsan' hae kyon raushni nahin hoti