جیسے چلتی ہے زمانے کی ہوا اچھی ہے

جیسے چلتی ہے زمانے کی ہوا اچھی ہے
گھر کے آرام سے باہر کی بلا اچھی ہے
شربتی زہر سے کڑوی سی دوا اچھی ہے
دوست کے دھوکے سے دشمن کی جفا اچھی ہے


اس لیے روٹھ کے میں دیکھنا چاہوں گا ضرور
کہتے ہیں تیرے منانے کی ادا اچھی ہے
دیکھ کر شیش محل میرا یہ دولت میری
ہر بری بات کو لوگوں نے کہا اچھی ہے


زندگی ہے تو بری بھی ہے بھلی بھی ساقیؔ
مجھ میں دونوں سے الجھنے کی کلا اچھی ہے