جلسہ نہیں جلوس نہیں شاعری نہیں

جلسہ نہیں جلوس نہیں شاعری نہیں
حالت ہماری پھر بھی کسی سے چھپی نہیں
پیغام سے علاج نہ کر آ کے نبض دیکھ
سانسیں ملی ہوئی ہیں مگر زندگی نہیں


بولا بگڑ کے وہ مرے اصرار وصل پر
میں نے کہا نہیں تو سمجھ واقعی نہیں
کل رات وہ یقین دلا ہی گیا مجھے
اس زندگی کے بعد کوئی زندگی نہیں


دنیا کے سب خداؤں کا جم غفیر تھا
بندے کی ایک عرض کسی نے سنی نہیں
خود ہی کہا کرو مری تعریف شعر میں
خود ہی کہا کہ یہ تو کوئی شاعری نہیں