jis se is dil mein nur hota hai

jis se is dil mein nur hota hai
kab mere dil se dur hota hai
zikr mein tere fikr mein teri
ek 'ajab sa surur hota hai


jab se paya hai khud ko tujh dil mein
khud pe mujh ko ghurur hota hai
us ko samjhenge kya jahan wale
kaise dil koh-e-tur hota hai


jitna chaha tujhe laga kam hai
'ishq pe kab 'ubur hota hai
jab wo aate hain ye haqiqat hai
chaaron su nur nur hota hai


dil sanbhaalo na khak ho jae
'ishq mein kab shu'ur hota hai
us ka pal-bhar mein ho gaya 'adil'
zikr ye dur dur hota hai