jis tarah bachche buzurgon ke charan chumte hain

jis tarah bachche buzurgon ke charan chumte hain
hum mohabbat se mohabbat ka badan chumte hain
munh lagate nahin bazar ke phulon ko kabhi
hum faqat apne gulabon ke dahan chumte hain


main ne haalat pe rakkhi hai ghazal ki buniyaad
is liye log mera rang-e-sukhan chumte hain
munh pe mal lete hain hum khak-e-madina ki tarah
man ke qadmon ki tarah khak-e-watan chumte hain


zindagi mein to unhen bojh samajhte hain magar
log marne pe buzurgon ka kafan chumte hain
aur badh jata hai manzil pe pahunchne ka surur
aable jab mere pairon ki thakan chumte hain