جسم پر ہم کوئی دیوار اٹھانے لگ جائیں

جسم پر ہم کوئی دیوار اٹھانے لگ جائیں
سایہ سایہ ترے رستے میں بچھانے لگ جائیں
پانے لگ جائیں تجھے شہر کی آبادی میں
پھر ترے ساتھ کسی دشت میں جانے لگ جائیں


ہم کو درپیش ہے دنیا کا سفر آخر کار
اپنی آنکھوں میں نئے خواب سجانے لگ جائیں
ان کمانوں سے نکلتے ہوئے تیروں کی قسم
میرے سینے کی طرف سارے نشانے لگ جائیں


ایک پل ہی کے لئے ہم اسے سوچیں اور پھر
جسم کو روح کا احساس کرانے لگ جائیں