jo apni hi rahi na aisi begani pe lanat ho

jo apni hi rahi na aisi begani pe lanat ho
ki us ke makr par aur us ki nadani pe lanat ho
tu ajnabiyon ki tarh dekhta hai mujh ko hairat se
tajjub par teri hairat pe hairani pe lanat ho


nahin milti bulandi itni aasani se duniya mein
jo aasani se hasil ho us aasani pe lanat ho
jise jaane faqat mashuq us chahat pe rahmat ho
jise jaane sabhi us ishq-e-elani pe lanat ho


wo ab nadim hua hai khud pe jab kuchh bhi nahin baqi
ab us ki is nadamat par pashemani pe lanat ho