jo rang-ha-e-ruKH-e-dostan samajhte the

jo rang-ha-e-rukh-e-dostan samajhte the
wo ham-nafas bhi mera dukh kahan samajhte the
mohabbaton mein kinare nahin mila karte
magar ye dubne wale kahan samajhte the


khula ki chadar-e-shab mein bhi wus'aten hain kai
zara si dhup ko hum aasman samajhte the
khizan ke ‘ahd-e-asiri se peshtar tair
chaman mein mausam-e-gul ki zaban samajhte the


unhen bhi dahr ki farzangi na ras aai
jo kar-e-'ishq ke sud-o-ziyan samajhte the
kisi ka qurb qayamat se kam nahin tha 'sa'id'
faqat firaq ko hum imtihan samajhte the