جو تھے مخالف ہمیں سے ہم کو وہ دیکھ کر کے سنور رہے ہیں

جو تھے مخالف ہمیں سے ہم کو وہ دیکھ کر کے سنور رہے ہیں
وفا کی تلقین کرنے والے وفائیں کرنے سے ڈر رہے ہیں
نہ ملتا ان کو مگر ملا ہے یہی تو قدرت کا فیصلہ ہے
جو لوگ کرتے تھے کل تکبر وہ ٹوٹ کر اب بکھر رہے ہیں


تمہیں نے کم ظرف کہہ کے جن کو نکال رکھا تھا محفلوں سے
وہی ستارے جو کل تھے ڈوبے وہ آج دیکھو ابھر رہے ہیں
ہزار وعدے کیے انہوں نے مگر وہ وعدوں پہ آ نہ پائے
بھروسہ جن پہ کیا تھا ہم نے زباں سے اپنی مکر رہے ہیں


جو توڑتے تھے کسی کے دل کو سمجھ کے مٹی کا اک کھلونا
یہ کوئی ہم سے بتا رہا تھا وہ آج گھٹ گھٹ کے مر رہے ہیں
سنو اے منہاجؔ قیس و لیلا کی داستان وفا یہی ہے
وفا کے رستے پہ مرنے والے یہاں ہمیشہ امر رہے ہیں