جو تم سے چھوٹا تو پھر خود کے اختیار میں تھا

جو تم سے چھوٹا تو پھر خود کے اختیار میں تھا
میں اپنے چاروں طرف جبر کے حصار میں تھا
کسی نے خاک اڑائی تھی اپنے قدموں کی
پھر اس کے بعد میں پھیلے ہوئے غبار میں تھا


تمام لوگ پڑے تھے فنا کے پہرے میں
میں پچھلی رات کسی شہر انتشار میں تھا
تری تلاش میں آخر یہ دن تمام ہوا
جو رات آئی تو پھر اپنے انتظار میں تھا


نیا ہے سال تو چہرہ بھی اب نیا ہوگا
کہ تیرا ذکر تو گزری ہوئی بہار میں تھا