jo ulfat ki bina par jhonpDi hai

jo ulfat ki bina par jhonpdi hai
haqiqat mein wo mahlon se badi hai
tujhe kya tu to hai ek jalta suraj
mujhe to apni aankhon ki padi hai


hazaron rang se hai jalwa-farma
mohabbat zindagi hai phuljhadi hai
qadam-bosi ko barkha-rut ki malan
mere dar par liye gajre khadi hai


hamare rahbaron ka asl chehra
'ajaib-ghar mein rakkhi khopdi hai
banaya din ko hai jab se mazhab
sabhi ko sirf bakhshish ki padi hai


kisi ke ru-baru rahna bhi 'khalid'
nihayat aazmaish ki ghadi hai