kabhi shadman kabhi pur-alam tumhein yaad ho ki na yaad ho

kabhi shadman kabhi pur-alam tumhein yaad ho ki na yaad ho
wo karam ke rup mein ek sitam tumhein yaad ho ki na yaad ho
wahi ahd-e-rasm-o-rah-e-wafa wo dil-o-nazar ka moamla
mujhe yaad hai mere mohtaram tumhein yaad ho ki na yaad ho


wahi ghuncha ghuncha-o-gul-ba-gul wahi rukh-ba-rukh wahi dil-ba-dil
kabhi the chaman ki bahaar hum tumhein yaad ho ho ki na yaad ho
wo fusun-taraaz si ek nazar kabhi muntazir kabhi muntazir
wo fasana-saz shab-e-alam tumhein yaad ho ki na yaad ho


kabhi wo tabassum-e-zer-e-lab kabhi khamushi se wo be-sabab
kabhi sarkhushi kabhi aankh nam tumhein yaad ho ki na yaad ho