kaifiyat ek nai tashkil hui jati hai

kaifiyat ek nai tashkil hui jati hai
wo jo banjar tha wahan jhil hui jati hai
barha aap se milna ki khuda khair kare
unsiyat ishq mein tahlil hui jati hai


koi chupke se saja aaya hai ulfat ke gulab
khushbu khushbu meri zambil hui jati hai
jis pe khush-rang si taswir saja di gai ho
zist diwar ki wo kil hui jati hai


pahli barish ki phuwaron ka asar hai shayad
yas ab aas mein tabdil hui jati hai
dil hamara bhi hua jata hai jalta hua 'dip'
aap ki zat jo qindil hui jati hai