kaj-kulahi ko yaqin tha ghut ke mar jaenge log
hum ye kahte the ki sadkon par nikal aaenge log

zulmaton ki tegh ne kata ujale ka gala
be-hisi ka daur jab sochenge pachhtaenge log

aaj apni zat se sach bolna bhi jurm hai
kal sar-e-mahfil hamari baat dohraenge log

kat gai zanjir-e-zulmat subh ke aasar hain
tegh ki jhankar par ab raqs farmaenge log

sar jhuka kar zulm sahna bhi sarasar zulm hai
karbala taza lahu tarikh dohraenge log

shahr ke viran sannate se ghabrae hue
dasht ki aabaadiyon ko dhundte aaenge log