kal raat bahut zor tha sahil ki hawa mein
kuchh aur ubhar aain samundar se chatanen

ek fasl ugi junhi zaminon pe suron ki
tarkash se gire tir fasilon se kamanen

mahsus hua aise ki chup-chap hain sab log
jab ghaur kiya hum ne to khali thin niyamen

tum habs ke mausam ko zara aur badha lo
be-samt na ho jaen parindon ki udanen

kyun hont pe daryuza-gar-e-saut-o-sada hain
jo aahaten be-nam huin dast-e-dua mein