kanTon ki bhi zaban pe gulistan ki baat hai
By kamal-hyderabadiSeptember 4, 2022
kanton ki bhi zaban pe gulistan ki baat hai
lab par raqib ke gham-e-jaanan ki baat hai
gul ki qaba ko dekha to bulbul ne ye kaha
ahl-e-junun mein chaak-gareban ki baat hai
aariz pe un ke zulf-e-pareshan hai aaj kyon
shayad mariz-e-ishq ke darman ki baat hai
azm-e-jawan agar hai naya aashiyan bana
gulshan mein aaj jashn-e-charaghan ki baat hai
hain ja-e-andalib yahan chand baal-o-par
zindan ki baat ab hai na darban ki baat hai
hosh-o-khirad bahaar mein rukhsat hue 'kamal'
daman rafu kiya to gareban ki baat hai
lab par raqib ke gham-e-jaanan ki baat hai
gul ki qaba ko dekha to bulbul ne ye kaha
ahl-e-junun mein chaak-gareban ki baat hai
aariz pe un ke zulf-e-pareshan hai aaj kyon
shayad mariz-e-ishq ke darman ki baat hai
azm-e-jawan agar hai naya aashiyan bana
gulshan mein aaj jashn-e-charaghan ki baat hai
hain ja-e-andalib yahan chand baal-o-par
zindan ki baat ab hai na darban ki baat hai
hosh-o-khirad bahaar mein rukhsat hue 'kamal'
daman rafu kiya to gareban ki baat hai
59370 viewsghazal • English