kar saki kuchh na teri zulf-e-siyah-fam mera
kufr ke saye mein badhta raha islam mera

saqiya mez pe rahne de abhi jam mera
mast aankhon ne teri kar diya ultam mera

kya kaha tu ne budhape mein na le nam mera
husn tha kham tera ishq nahin kham mera

ladte hi pahli nazar jaan tasadduq kar di
ho gaya sath hi aaghaz ke anjam mera

tum agar pyar se dekho to abhi ji jaun
nigah-e-naz mein hai zist ka paigham mera

'bum' chupke se wahin de diya bosa us ne
kan mein jab ye kaha nind ka inam mera