khil uThe chehra-e-gumnam jab usne dekha
By abdullah-saqibJanuary 6, 2024
khil uthe chehra-e-gumnam jab us ne dekha
aaine bhul gae kaam jab us ne dekha
sa-re-ga-ma-pa hui subh zaban jab kholi
fa'ilatun pe hui sham jab us ne dekha
nim-jaan kan liye us ke qarin ja pahunche
pukhta pukhta bhi hue kham jab us ne dekha
allah allah ye kya khub nazar-bazi hai
mai-kashi pi gai khud jam jab us ne dekha
hazrat-e-dil to sag-e-ku-e-malamat thahre
aa gaya aap ko aaram jab us ne dekha
jaan-kani muntazir-e-chashm-e-ghazali thi meri
aur tarik hui sham jab us ne dekha
aaine bhul gae kaam jab us ne dekha
sa-re-ga-ma-pa hui subh zaban jab kholi
fa'ilatun pe hui sham jab us ne dekha
nim-jaan kan liye us ke qarin ja pahunche
pukhta pukhta bhi hue kham jab us ne dekha
allah allah ye kya khub nazar-bazi hai
mai-kashi pi gai khud jam jab us ne dekha
hazrat-e-dil to sag-e-ku-e-malamat thahre
aa gaya aap ko aaram jab us ne dekha
jaan-kani muntazir-e-chashm-e-ghazali thi meri
aur tarik hui sham jab us ne dekha
56909 viewsghazal • English