khoTe sikke uchhaalte rahiye

By rahber-gayaviMay 5, 2021
khote sikke uchhaalte rahiye
kaam apna nikalte rahiye
log sidhe hain jo unhen yunhi
jhute wadon pe talte rahiye


bhuke pyase awam ji lenge
aap kutton ko palte rahiye
hum ko gir kar sanbhalna aata hai
aap khud ko sanbhaalte rahiye


ye hain bachche bahal hi jaenge
aap pani ubaalte rahiye
mal jaisa mile mere 'rahbar'
apni jholi mein dalte rahiye


51447 viewsghazalEnglish