khub roka shikayaton se mujhe
tu ne mara inayaton se mujhe

wajib-ul-qatl us ne thahraya
aayaton se riwayaton se mujhe

kahte kya kya hain dekh to aghyar
yar teri himayaton se mujhe

kya ghazab hai ki dost tu samjhe
dushmanon ki riayaton se mujhe

dam-e-girya kami na kar ai chashm
shauq kam hai kifayaton se mujhe

kami-e-girya ne jala mara
hua nuqsan kifayaton se mujhe

le gai ishq ki hidayat 'zauq'
un kane sab nihayaton se mujhe