خود کو اب کوئی تماشا نہیں ہونے دیں گے

خود کو اب کوئی تماشا نہیں ہونے دیں گے
ہم تمہیں شہر میں رسوا نہیں ہونے دیں گے
جسم کی ریت پر اس نے جو لگائے ہیں نشاں
میرے ناخن انہیں دھندلا نہیں ہونے دیں گے


خواہش کار مسیحائی بہت ہے لیکن
زخم دل ہم تجھے اچھا نہیں ہونے دیں گے
کچھ تو قربت بھی تری راس نہیں آئے گی
اور کچھ لوگ بھی ایسا نہیں ہونے دیں گے


مجھ کو معلوم ہے مجھ میں نہ ٹھہرنے والے
میرے اندر مرا ہونا نہیں ہونے دیں گے