کھلی آنکھوں سے ہر سپنا سہانا دیکھتے جاؤ

کھلی آنکھوں سے ہر سپنا سہانا دیکھتے جاؤ
ابھی تو اور بدلے گا زمانہ دیکھتے جاؤ
رہیں گے جا کے جب آکاش پر سب لوگ دھرتی کے
پلٹ آئے گا مجھ جیسا دوانہ دیکھتے جاؤ


لگائی جس طرح سے آگ اس نے ساری دنیا میں
جلائے گا خود اپنا آشیانہ دیکھتے جاؤ
نبھایا تم نے ہر ناطہ وفا کا بے وفائی سے
ہمارا رسم الفت بھی نبھانا دیکھتے جاؤ


نہیں آیا ہمیں نظریں ملانا آج تک جس سے
سکھا دے گا وہ خود نظریں ملانا دیکھتے جاؤ