خواب کے بیج انہیں بونے کی اجازت نہیں ہے

خواب کے بیج انہیں بونے کی اجازت نہیں ہے
ہیں کچھ آنکھیں جنہیں سونے کی اجازت نہیں ہے
ہے پریشان جو دنیا سے غزل گوئی کرے
کسی کو بیٹھ کے رونے کی اجازت نہیں ہے


کوئی شہر آ کے لپیٹے میں ہمیں لے لے گا
دشت ہیں ہم ہمیں ہونے کی اجازت نہیں ہے
ہم کو تو بھول بھلیے میں سہولت ہے مگر
ان کی سوچو جنہیں کھونے کی اجازت نہیں ہے


کیوں نہ فانیؔ بھی کرے نظم نگاری کا جتن
کیا اسے موتی پرونے کی اجازت نہیں ہے