کس کو ہے وقت کہ پوچھے وہ حقیقت تیری

کس کو ہے وقت کہ پوچھے وہ حقیقت تیری
جانتا کون نہیں اب یہ مصیبت تیری
خوش نصیبی ہے جو رہتے ہیں ترے پاس اکثر
اس بہانے انہیں ہوتی ہے زیارت تیری


تیری زلفوں سے کوئی غیر الجھتا ہے اگر
آنکھیں ہو جاتی ہیں تب مثل قیامت تیری
مجھ کو افسوس ہے تو نے مجھے سمجھا ہی نہیں
مجھ کو ہر موڑ پہ پیش آئی ضرورت تیری


اب تو احساس یہ ہوتا ہے کہ ہر پل اے دوست
خاک میں مجھ کو ملا ڈالے گی نفرت تیری
راز میں تیرا سنبھالوں گا ہوں زندہ جب تک
میری آنکھوں میں جو رکھی ہے امانت تیری


وہ بھی کہتا ہے یہ منہاجؔ بچھڑ کر مجھ سے
خواب میں روز نظر آتی ہے صورت تیری