kis ne hamare shahr pe mari hai raushni

kis ne hamare shahr pe mari hai raushni
har ek makan ke zakhm se jari hai raushni
bach-bach ke chal raha hun sitaron ki chaal se
ab tak mere hawas pe tari hai raushni


dil ko mohabbaton se kiya tu ne mala-mal
khush-bash tirgi mein utari hai raushni
ek raat har charagh ki lau kat di gai
aur wo bhi chup rahe jinhen pyari hai raushni


lazzat ko ek had pe thaharne nahin diya
tum ne badan ke par guzari hai raushni
sayon se dar ke chikh pade the yahi to hain
in ko bhi zo'm hai ki hamari hai raushni