kis qadar ruh pasheman hai tumhein kya malum kab kahan kaun pareshan hai tumhein kya malum mere afkar pe ehsas ka sahra hawi aur takhayyul mein gulistan hai tumhein kya malum un ke mahaul pe raqsan hain bahaaren naghme mera har git gham-e-jaan hai tumhein kya malum raat bechain hai aankhon mein simatne ke liye tirgi zist ka unwan hai tumhein kya malum kal jo tha sang-e-giran shahr-e-wafa mein 'manzar' aaj wo lal-e-badakhshan hai tumhein kya malum