kisi bhi KHwab mein jab dilkashi baqi nahin rahti
By balbir-rathiJanuary 2, 2024
kisi bhi khwab mein jab dilkashi baqi nahin rahti
to phir jazbaat mein wo baat hi baqi nahin rahti
guzar to ho hi jati hai sanbhal kar chalne walon ki
magar phir zindagi mein zindagi baqi nahin rahti
tumhein achchhi nahin lagtin meri be-bakiyan lekin
takalluf mein bhi aksar dosti baqi nahin rahti
jawani mein bhala kaise karen hum hosh ki baaten
ki aisi be-khudi mein aagahi baqi nahin rahti
hatao saghar-o-mina nahin mai ki talab mujh ko
hasin aankhon se pi kar tishnagi baqi nahin rahti
to phir jazbaat mein wo baat hi baqi nahin rahti
guzar to ho hi jati hai sanbhal kar chalne walon ki
magar phir zindagi mein zindagi baqi nahin rahti
tumhein achchhi nahin lagtin meri be-bakiyan lekin
takalluf mein bhi aksar dosti baqi nahin rahti
jawani mein bhala kaise karen hum hosh ki baaten
ki aisi be-khudi mein aagahi baqi nahin rahti
hatao saghar-o-mina nahin mai ki talab mujh ko
hasin aankhon se pi kar tishnagi baqi nahin rahti
21762 viewsghazal • English