کسی کے ذکر سے دائم ہماری زندگانی ہے

کسی کے ذکر سے دائم ہماری زندگانی ہے
اور اس کی راہ سے ہٹنا ہماری رائیگانی ہے
ہمارے خواب چاہت آرزو ساری تمنائیں
تمہی ہو تم نہیں تو کیا ہماری جاودانی ہے


تری چاہت میں ہم شدت پسندی پر اتر آئیں
ہمارے بیچ حائل ہے جو یہ دیوار ڈھانی ہے
خدا تیری زمیں پہ تیرا بٹوارا نرالا ہے
کہیں خشکی ہی خشکی ہے کہیں پانی ہی پانی ہے


ہمیں بچپن ہی سے ابا نے سمجھایا تھا کہ عارفؔ
محبت کے سوا دنیا کی ہر اک چیز فانی ہے