کسی نے نہ جب دیکھا بھالا مجھے

کسی نے نہ جب دیکھا بھالا مجھے
میری ٹھوکروں نے سنبھالا مجھے
کوئی غور سے دیکھتا ہی نہیں
بہت چبھ رہا ہے اجالا مجھے


نئے ذائقوں کا پرستار ہوں
بنا لے نہ دنیا نوالہ مجھے
گرایا تھا تو نے نظر سے جہاں
وہیں پہ پڑا ہوں اٹھا لا مجھے


اکیلا ملوں گا کسی دشت میں
کوئی نام لے کر بلا لا مجھے
کھنک چابیوں کی سناتے ہیں لوگ
دکھا کر ترے گھر کا تالا مجھے


مرے پیچھے پیچھے جو چلتی رہی
اسی بھیڑ نے مار ڈالا مجھے
فقط ہاتھ پھیلا کے میری طرف
مری گود میں اس نے پالا مجھے