کتنا حسین خواب تھا آنکھوں میں رہ گیا

کتنا حسین خواب تھا آنکھوں میں رہ گیا
وہ چہرہ ماہتاب تھا آنکھوں میں رہ گیا
میں جیسے کوئی خار تھا چبھنے لگا اسے
وہ تو کوئی گلاب تھا آنکھوں میں رہ گیا


میں نے تو تیری مرضی سے بولا تھا جھوٹ پر
جو اصل میں جواب تھا آنکھوں میں رہ گیا
لوٹا دئے ہیں اس نے مرے خط وغیرہ سب
باقی کا جو حساب تھا آنکھوں میں رہ گیا


اچھا تھا جو بھی فلم میں یوں ہی گزر گیا
وہ سین جو خراب تھا آنکھوں میں رہ گیا