کتنا کچھ یوں ترے ہونٹھوں سے بیاں ہوتا ہے

کتنا کچھ یوں ترے ہونٹھوں سے بیاں ہوتا ہے
ہونا ہوتا ہے تجھے جب تو کہاں ہوتا ہے
رات میں کوئی ضرور آتا تو ہے میرے پاس
صبح اٹھتا ہوں تو ماتھے پہ نشاں ہوتا ہے


رشتوں میں چاہیے دریا کی طرح آزادی
صرف جو پیاس مٹاتا ہے کنواں ہوتا ہے
خود سے کہنا پڑا ہر بار یہ دل ٹوٹنے پر
ہوتا ہے ہوتا ہے ایسا مری جاں ہوتا ہے


ہو حقیقت بری کتنی بھی حقیقت ہی ہے
ہو گماں کتنا بھی اچھا وہ گماں ہوتا ہے