kiwad band bhi hai aur nim-wa bhi hai
wo rup anup zara khush zara khafa bhi hai

sharik-e-rah-e-wafa gul-sarisht mah-ba-kaf
qatil-e-gardish-e-dauran barahna-pa bhi hai

haqiqaton se fasanon ko kya ilaqa hai
khuda nahin bhi hai logo magar khuda bhi hai

hujum-e-naghma-o-nikhat mein yun to hota hai
khata muaf khata to nahin khata bhi hai

wahi ghazal ki riwayat-e-kafiri hain abhi
wahi hijab wahi shokhi-e-ada bhi hai

ufuq ufuq abhi insan ki manzilen hain 'waqar'
usi zamin pe magar rah-e-irtiqa bhi hai