کوئی بھی رسم ہو سر پر نہیں اٹھاتے ہم

کوئی بھی رسم ہو سر پر نہیں اٹھاتے ہم
نماز پڑھتے ہیں ٹوپی نہیں لگاتے ہم
جو آب پڑتا ہے خود ہی میں جذب کرتے ہیں
بدن کو دھوپ میں رکھ کر نہیں سکھاتے ہم


دکھوں کو جیتے ہیں اور جی کے خلق کرتے ہیں
اب اپنی موت پہ ماتم نہیں مناتے ہم
سزا ملی ہے ہمیں روشنی میں رہنے کی
کہ سوتے وقت بھی بتی نہیں بجھاتے ہم


ہر ایک راہ گزر تیرگی میں ڈوبی ہے
چراغ گھر سے نکل کر نہیں جلاتے ہم