kuchh na kuchh waqia sa lagta hai

By mujeeb-shehzarJanuary 21, 2022
kuchh na kuchh waqia sa lagta hai
bachcha bachcha dara sa lagta hai
phir koi hadisa na ho jae
waqt thahra hua sa lagta hai


saf-goi pasand kab hai use
saf kahna bura sa lagta hai
zehn mein nur jab bikharte hain
sang bhi aaina sa lagta hai


wo akela zarur hai lekin
us mein ek qafila sa lagta hai
jo muqabil hai us se 'shahzar' ka
rishta kuchh khun ka sa lagta hai


66114 viewsghazalEnglish