kya kya inbox mein ugalte hain
ye jo ban kar sharif baithe hain

aap mauqa-parast nain hain so
aap ko ek mauqa dete hain

dil tere munh pe marne ke liye
us ke massage sambhaal rakkhe hain

khel khelenge aap hum se bhi
hum to bachpan se sath khele hain

sukh ki khidki ya gham ka darwaza
aap dil mein kahan se aae hain

kuchh to mujh se bura kiya hoga
aap jo mujh ko apne lagte hain

khwab aate rahen hamein us ke
phul takiye pe rakh ke sote hain

us ne yun kah diya to us ne yun
chhote logon ke dukh bhi chhote hain