kya milega sukun ki wahshat hai
ho ke bekal phirun ki wahshat hai

kisi jaanib bhi dil nahin lagta
ishq hai ya junun ki wahshat hai

daudta hun idhar-udhar kaise
be-qarari hai chun-ki wahshat hai

katti hai ye jhonpdi mujh ko
us ki jaanib chalun ki wahshat hai

ye mera iztirab hai kya hai
hai ye haal-e-zabun ki wahshat hai

hai ye koi fusun ki wahshat hai
kuchh pareshan hun ki wahshat hai