لڑکپن میں کسی کی عاشقی اچھی نہیں ہوتی

لڑکپن میں کسی کی عاشقی اچھی نہیں ہوتی
جنون شوق میں یہ خودکشی اچھی نہیں ہوتی
کوئی حسرت کوئی ارماں کوئی چاہت کبھی خواہش
کبھی ہوتی ہے اچھی اور کبھی اچھی نہیں ہوتی


چلو مل بیٹھ کر شکوہ شکایت دور کر ڈالیں
کبھی ہر وقت کی ناراضگی اچھی نہیں ہوتی
بلندی کے نشہ میں لوگ اندھے ہو ہی جاتے ہیں
ضرورت سے زیادہ روشنی اچھی نہیں ہوتی


تعلق میں گلے شکوے یقیناً ہو بھی سکتے ہیں
مگر ہر وقت کی یہ بے رخی اچھی نہیں ہوتی