main kahan DhunDne jata hun kutub-KHanon mein

main kahan dhundne jata hun kutub-khanon mein
mujh ko khud aa ke bulaen mere alfaz ki aa
main abhi soch ke sahra mein khada hota hun
aa hi jati hai kisi samt se aawaz ki aa


pair chalne ke liye junhi qadam bharte hain
bajne lag jate hain khud se kai sur saz ki aa
main ki har had se guzarne ko hun tayyar magar
kaun kahta hai mujhe koi ba-sad-naz ki aa


hae wo lamha ki jab bap bulae beta
aa idhar aa mere bete mere jaan-baz ki aa
ye alag baat ki ustad nahin hai 'hasrat'
she'r-goi mein bulaen sabhi ustaz ki aa