main kaise laut ke jaunga apne ghar yaro
ke mere qadmon se lipti hai rahguzar yaro

na ras aaega mujh ko koi shajar yaro
abhi tawil bahut hai mera safar yaro

abhi to shanon pe qaem hai mera sar yaro
junun nahin hai abhi mera mo'atabar yaro

sitam to dekhiye parwaz ki dua de kar
kutar raha hai koi mere baal-o-par yaro

wo ek lamha ki jo hasil-e-hayat bane
talash karta hai insan umr-bhar yaro

main aasman hun bulandi maqam hai mera
jhukae phirta hun phir bhi main apna sar yaro

tamam-umr ka hasil hansi ghadi-bhar ki
kahan se lae koi phul ka jigar yaro