main samundar na bana ju-e-rawan hote hue ban ke jugnu na uda shoala-fishan hote hue rafta rafta bhi hue kaam jinhen hona tha kyun andhere na chhute subh-e-ayan hote hue kal ajab baat hui auj pe thi tanhai pas mere tere hone ka guman hote hue tu na ban jae kahin pahla nishana mera tere qabu mein mere tir-o-kaman hote hue bagh viran bahaaron mein rahe aur 'shadab' phul jangal mein khile fasl-e-khizan hote hue