main tujhse kya kahun ki abhi kal ki baat hai

main tujh se kya kahun ki abhi kal ki baat hai
han subh ho rahi hai magar phir bhi raat hai
kaise guzar rahi hai meri zist jaan lo
kahte hain jis ko maut wo meri hayat hai


gham hai alam hai ranj hai hasrat hai aur main
tanha hai mera dil aur udhar kitni ghat hai
ye haal mera ho raha hai shorish-e-junun
behis dimagh-o-zehn ki murda bhi mat hai


dariya-e-ranj-o-fikr mein duba hua hun main
hafiz mera nasir mera haq ki zat hai
'ahqar' fareb-e-zist se ukta gaya hun main
kaisa ‘ajib dam-e-hayat-o-mamat hai