mashaqqat ka pasina KHun mein tahlil hota hai
By wasim-nadirJanuary 5, 2024
mashaqqat ka pasina khun mein tahlil hota hai
andhera raushni mein tab kahin tabdil hota hai
bichhadte hi kisi se ho gaya ehsas ye hum ko
ki rasta kis tarah ek mil ka sau mil hota hai
ye unche log khul kar mil nahin sakte kabhi tum se
samundar bhi simat kar kya kahin par jhil hota hai
hazaron khun ki bunden fana ho jati hain jal kar
tab ek aansu kisi ki rah ki qindil hota hai
meri hairat mein hota hai izafa kis qadar 'nadir'
wo ek chehra kai chehron mein jab tahlil hota hai
andhera raushni mein tab kahin tabdil hota hai
bichhadte hi kisi se ho gaya ehsas ye hum ko
ki rasta kis tarah ek mil ka sau mil hota hai
ye unche log khul kar mil nahin sakte kabhi tum se
samundar bhi simat kar kya kahin par jhil hota hai
hazaron khun ki bunden fana ho jati hain jal kar
tab ek aansu kisi ki rah ki qindil hota hai
meri hairat mein hota hai izafa kis qadar 'nadir'
wo ek chehra kai chehron mein jab tahlil hota hai
85545 viewsghazal • English