ماضی کے پرستاروں میں مجھ کو نہ گنا کر

ماضی کے پرستاروں میں مجھ کو نہ گنا کر
میں حال ہوں تو حال کے احوال کہا کر
یہ عشق ہے اک آن میں لذت نہیں ملتی
قسطوں میں اسے تو مری اے جان چکھا کر


مظلوم ہواؤں کی خطا کوئی نہیں ہے
روشن ہوئے کچھ لوگ چراغوں کو بجھا کر
یہ کیسی فصاحت کہ سمجھ میں نہیں آتی
تحریر محبت ذرا آسان لکھا کر


کیا غور سے دیکھا ہے کبھی چاند کو احمرؔ
دیکھے ہے تمہیں خود کو وہ بادل میں چھپا کر