mere aangan ko mahka do

mere aangan ko mahka do
phir ji chahe mujh ko bhula do
o raste ke chalte rahi
main bhi chalunga mujh ko du'a do


o ji ko le jaane walo
phir mujh ko jine ki saza do
meri dharti bahut hai pyasi
baadal ban kar ras barsa do


soya soya sa lagta hai
mujh ko chhedo mujh ko jaga do
mujh ko nind nahin aati hai
apni chadar mujhe udha do


chhoti sohbaten lambi shamen
aao in ka farq mita do
mere sangi mere sathi
dur pade hain un se mila do