میرے آنگن کو مہکا دو

میرے آنگن کو مہکا دو
پھر جی چاہے مجھ کو بھلا دو
او رستے کے چلتے راہی
میں بھی چلوں گا مجھ کو دعا دو


او جی کو لے جانے والو
پھر مجھ کو جینے کی سزا دو
میری دھرتی بہت ہے پیاسی
بادل بن کر رس برسا دو


سویا سویا سا لگتا ہے
مجھ کو چھیڑو مجھ کو جگا دو
مجھ کو نیند نہیں آتی ہے
اپنی چادر مجھے اڑھا دو


چھوٹی صحبتیں لمبی شامیں
آؤ ان کا فرق مٹا دو
میرے سنگی میرے ساتھی
دور پڑے ہیں ان سے ملا دو